• 21-Dec-2021

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၇/၂၀၂၁) ကြိမ်မြောက်အစည်းအဝေး

တနင်္သာတိုင်းဒေသကြီးရင်းနှီးမြှုပ်နှံမှုကော်မတီ၏ (၇/၂၀၂၁) ကြိမ်မြောက်အစည်းအဝေးကို ၂၀၂၁ ခုနှစ် ဒီဇင်ဘာလ ၂၁ ရက်နေ့တွင် တနင်္သာတိုင်းဒေသကြီးအစိုးရအဖွဲ့ရုံး၊ (၃) ထပ် ဧည့်ခန်းမဆောင်တွင်  နံနက် (၁၀:၀၀) နာရီအချိန်၌ ကျင်းပပြုလုပ်ခဲ့ပါသည်။

အစည်းအဝေးသို့ တနင်္သာတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌ၊ တနင်္သာတိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကို အပါအဝင်စုစုပေါင်းအဖွဲ့ဝင် (၇) ဦးနှင့် အထူးဖိတ်ကြားထားသော ထားဝယ်ခရိုင်စီမံအုပ်ချုပ်ရေးအဖွဲ့နှင့် တိုင်းဒေသကြီးဟိုတယ်နှင့်ခရီးသွား ညွှန်ကြားမှုဦးစီးဌာနတို့မှ တက်ရောက်ခဲ့ကြပါသည်။

အဆိုပါအစည်းအဝေးတွင်  တနင်္သာတိုင်းဒေသကြီးရင်းနှီးမြှုပ်နှံမှုကော်မတီ၏ (၆/၂၀၂၁) ကြိမ်မြောက်အစည်းအဝေးတွင် ခွင့်ပြုပေးခဲ့ သည့် ဟိုတယ်ဝန်ဆောင်မှုလုပ်ငန်း၏ နိုင်ငံခြားရင်းနှီးမြှုပ်နှံသူကို တနင်္သာတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌ၊ တနင်္သာတိုင်း ဒေသကြီးအစိုးရအဖွဲ့ ဝန်ကြီးချုပ်က အတည်ပြုမိန့်ကဒ် ပေးအပ်ခဲ့ပါသည်။

ဆက်လက်၍ ရာခိုင်နူန်းပြည့်မြန်မာနိုင်ငံသားရင်းနှီးမြှုပ်နှံမှုဖြင့် Kento Trading Co., Ltd. က ကွင်းအမှတ် (၁၈/OSS)၊ အမြားကြေးတိုင်ပြင်ကွင်း၊ အမြားကျေးရွာအုပ်စု၊ ထားဝယ်မြို့နယ်၊ ထားဝယ်ခရိုင် (ထီးခီး)၊ တနင်္သာရီတိုင်းဒေသကြီးရှိ မြေဧရိယာစုစုပေါင်း ၁၀ ဧကတွင်လည်းကောင်း၊ ကွင်းအမှတ်(၁/OSS)၊ စူငယ်စနန်းငင်းကြေးတိုင်ပြင်ကွင်း၊ စူငယ်ဘာလိုင်းကျေးရွာအုပ်စု၊ ကော့သောင်းမြို့နယ်၊ ကော့သောင်းခရိုင်၊ တနင်္သာရီတိုင်းဒေသကြီးရှိ မြေဧရိယာစုစုပေါင်း ၉ ဧကတွင်လည်းကောင်း ဟိုတယ်နှင့်ဆက်စပ်ဝန်ဆောင်မှုလုပ်ငန်း (၂) ခုကိုဆောင်ရွက် ခွင့်ပြုပါရန်အတည်ပြုလျှောက်ထားလွှာတင်ပြလာခြင်းအပေါ် တနင်္သာတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌနှင့် အဖွဲ့ဝင်များက ဆက်စပ် သည့် ဌာနဆိုင်ရာများနှင့်ပူးပေါင်း၍ လိုအပ်သည်များပေါင်းစပ်ညှိနှိုင်းပေးခဲ့ပါသည်။