• 13-DEC-2024

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၅/၂၀၂၄) ကြိမ်မြောက် အစည်းအဝေး

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၅ /၂၀၂၄) ကြိမ်မြောက် အစည်းအဝေးအား ၂၀၂၄ ခုနှစ် ဒီဇင်ဘာလ ၁၃ ရက်နေ့ တွင် တနင်္သာရီတိုင်းဒေသကြီးအစိုးရအဖွဲ့ရုံး၊ (၃) ထပ် ဧည့်ခန်းမဆောင်တွင်  (၁၀:၃၀) နာရီအချိန်၌ ကျင်းပပြုလုပ်ခဲ့ပါသည်။

          အစည်းအဝေးသို့ တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌ၊ တနင်္သာရီ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကို ကော်မတီအဖွဲ့ဝင်များနှင့် အထူးဖိတ်ကြားထားသော သက်ဆိုင်ရာဌာနများမှ ကိုယ်စားလှယ်များ တက်ရောက်ခဲ့ကြပါသည်။

          အဆိုပါ အစည်းအဝေးတွင် ရာခိုင်နှုန်းပြည့်မြန်မာနိုင်ငံသားရင်းနှီးမြှုပ်နှံမှုဖြင့် ငါးဈေးတည်ဆောက်၍ ဆိုင်ခန်းငှားရမ်းခြင်းနှင့် ဆက်စပ်ဝန်ဆောင်မှုလုပ်ငန်းဆောင်ရွက်နေသော Southern Dragon Myanmar Co., Ltd. မှ မူလအတည်ပြုမိန့်ပါ တည်ဆောက်ရေးကာလ ပထမအကြိမ် တိုးမြှင့်ခွင့်ပြုပါရန် တင်ပြလာခြင်းကိစ္စတို့ကို ဆွေးနွေးခဲ့ကြပါသည်။