• 23-10-2026

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၂ /၂၀၂၆) ကြိမ်မြောက် အစည်းအဝေး

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၂/၂၀၂၆) ကြိမ်မြောက် အစည်းအဝေးအား ၂၀၂၆ ခုနှစ် အောက်တိုဘာလ ၂၃ ရက် နေ့တွင် တနင်္သာရီတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ (၂) တွင်  (၉:၀၀) နာရီအချိန်၌ ကျင်းပပြုလုပ်ခဲ့ပါသည်။

          အစည်းအဝေးသို့ တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌ၊ တနင်္သာရီတိုင်းဒေသကြီးအစိုးရအဖွဲ့ ဝန်ကြီးချုပ် ဦးဇော်နိုင်ဦး နှင့် ကော်မတီအဖွဲ့ဝင်များ၊  အထူးဖိတ်ကြားထားသော သက်ဆိုင်ရာဌာနများမှ ကိုယ်စားလှယ်များ တက်ရောက်ခဲ့ကြပါသည်။

အဆိုပါအစည်းအဝေးတွင် မြန်မာနိုင်ငံရင်းနှီးမြှုပ်နှံမှုဥပဒေနှင့် တိုင်းဒေသကြီးရင်းနှီးမြှုပ်နှံမှုလုပ်ငန်းဆောင်ရွက်မှုအချက်အလက်များ၊ ရှင်းလင်းတင်ပြခြင်း၊ မှိုင်းခံရာဘာ အဆင့် RSS-1,2,3 ထုတ်ကုန်များ ပြည်တွင်း/ ပြည်ပထုတ်လုပ်ဖြန့်ဖြူးရောင်းချခြင်းလုပ်ငန်း ဆောင်ရွက်နေသော Dawei Golden Land Co., Ltd.မှ အစုရှယ်ယာလွှဲပြောင်းခြင်း၊ ဟိုတယ်နှင့်အပန်းဖြေစခန်းဝန်ဆောင်မှုလုပ်ငန်း  ဆောင်ရွက်နေသော Century Bright Gold Co., Ltd.  မှ အစုရှယ်ယာလွှဲပြောင်းခြင်းနှင့် ဟိုတယ်နှင့် ဆက်စပ်ဝန်ဆောင်မှုလုပ်ငန်း ဆောင်ရွက်နေသော Kento Trading Co., Ltd.  မှ အစုရှယ်ယာ လွှဲပြောင်းခြင်းကိစ္စတို့ကို ဆွေးနွေးခဲ့ကြပါသည်။