• 20-10-2022

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၁၀/၂၀၂၂) ကြိမ်မြောက် အစည်းအဝေး

တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ၏ (၁၀/၂၀၂၂) ကြိမ်မြောက် အစည်းအဝေးအား ၂၀၂၂ ခုနှစ် ဒီဇင်ဘာလ ၂၀ ရက်နေ့ တွင် တနင်္သာရီတိုင်းဒေသကြီးအစိုးရအဖွဲ့ရုံး၊ (၃) ထပ် ဧည့်ခန်းမဆောင်တွင်  (၁၀:၀၀) နာရီအချိန်၌ ကျင်းပပြုလုပ်ခဲ့ပါသည်။

အစည်းအဝေးသို့ တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌ၊ တနင်္သာရီ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမြတ်ကို အပါအဝင် စုစုပေါင်းအဖွဲ့ဝင် (၆) ဦးနှင့် အထူးဖိတ်ကြားထားသော တိုင်းဒေသကြီးအစိုးရအဖွဲ့ရုံး၊ ထားဝယ်ခရိုင်စီမံအုပ်ချုပ်ရေးအဖွဲ့၊ တိုင်းဒေသကြီးငါးလုပ်ငန်းဦးစီးဌာန၊ တိုင်းဒေသကြီးလျှပ်စစ်ဓါတ်အားဖြန့်ဖြူးရေးလုပ်ငန်းနှင့် တိုင်းဒေသကြီး စည်ပင်သာယာရေးအဖွဲ့တို့မှ တက်ရောက်ခဲ့ကြပါသည်။

အဆိုပါအစည်းအဝေးတွင် ရာခိုင်နှုန်းပြည့်မြန်မာနိုင်ငံသားရင်းနှီးမြှုပ်နှံမှုဖြင့် Southern Dragons Myanmar Co., Ltd. က ဦးပိုင်အမှတ် (၂၀)၊ ကွင်းအမှတ် (၁၄၈) ဘုမ္မော်တောင်၊ ကျောက်မော်ကျေးရွာအုပ်စု၊ ထားဝယ်မြို့၊ထားဝယ်ခရိုင်၊ တနင်္သာရီတိုင်းဒေသကြီး စုစုပေါင်းမြေဧရိယာ (၃) ဧကပေါ်တွင် ငါးဈေးတည်ဆောက်၍ဆိုင်ခန်းများငှားရမ်းခြင်းနှင့်ဆက်စပ်ဝန်ဆောင်မှုလုပ်ငန်းအား အတည်ပြုမိန့်ဖြင့်ဆောင်ရွက်ခွင့်ပြုပါ ရန်လျှောက်ထားလွှာတင်ပြလာခြင်းနှင့် တိုင်းဒေသကြီးရင်းနှီးမြှုပ်နှံမှုကော်မတီ၏ အတည်ပြုမိန့်ဖြင့် ရေထွက်ပစ္စည်းများအေးခဲ၍ ပြည်တွင်း၊ ပြည်ပသို့တင်ပို့ရောင်းချခြင်းလုပ်ငန်းဆောင်ရွက်နေသော Aqua Myeik Premium Seafood Co., Ltd. က နိုင်ငံခြားသား ရင်းနှီးမြှုပ်နှံမှု ၃၅ ရာခိုင်နှုန်းပါဝင်၍ လုပ်ငန်းဆောင်ရွက်မည့်ကိစ္စအား တင်ပြခြင်းတို့အပေါ် တနင်္သာရီတိုင်းဒေသကြီးရင်းနှီးမြှုပ်နှံမှုကော်မတီ ဥက္ကဋ္ဌနှင့် အဖွဲ့ဝင် များက ဆက်စပ်ဌာနဆိုင်ရာများနှင့်ပူးပေါင်း၍  လိုအပ်သည်များပေါင်းစပ်ညှိနှိုင်းပေးခဲ့ပြီး ခွင့်ပြုပေးနိုင်ရေး သဘောတူဆုံးဖြတ်ခဲ့ကြပါသည်။